Општи податоци 

Проектот се одржа во Реџо Калабриjа, Италија, од 25 април до 2 мај 2015 и во него беа вклучени 28 млади учесници од Италија, Полска, Грузија, Австрија, Романија, Латвија, Обединето Кралство, Шведска, Азербејџан, Украина, Ерменија и Северна Македонија кои покажуваа интерес за здрав начин на живот, здрава околина, спорт и неформално образование.

 Главна цел на проектот

Целта на овој проект беше промоција на кративни методологии за обуки на млади лидери, млади вработени, идни тренери, студенти и волонтери  во сферата на здрав начин на живот преку спортски активности сметајќи ги истите како елементи на активно граѓанство и градење социо-културни мостови.

Главни проектни активности

 Во меѓународниот младински тренинг курс кој се одржа во Реџо Калабрија, Италија, беа вклучени 28 учесници од 12 држави. Тренинг курсот се одвиваше според принципот – грижата за здравјето преку спортски активности е алатка за зајакнување на граѓанската свест и чувството за припаѓање во Европската заедница што води до поголема демократија во нашето општество.